Mizo National Front (MNF)

1. ZORAMTHANGA AIZAWL EAST I Pu Zoramthanga hi 1944-ah piang a, a pa chu Darphunga (L) a ni. Thiamna lamah BA (Hons) English a ni a, an chhungkuain Ramhlun Venglaiah an cheng. 1966-a Zoram a lo buai hnu lawk khan BA result nghak chhuak lovin ram tan a penchhuak nghal a. 1969-a East Pakistan-a MNF an chhukthlak hnu lawkah Secretary to the President a ni nghal a, 1979--ah Mizo Hnam Pa Pu Laldenga innghahna ber a Vice President a ni ta a ni. Kum 1998-2008 khan Chief Minister a lo ni tawh a, a hunlai hian Zoramin hmelthar a hmu chho a, development a thang nasa hle. 1998-a MNF sorkar khan Zoramin leiba a ngah hle a, hemi tihziaawm nan leh hmasawnna hna thawh nan tuma la tih ngai loh danin Central sorkar-ah ‘peace bonus’ vaibelchhe 175 a dil a. Union Finance Secretary chuan, “A pekna tur head of account-ah a awm lo, i hmu chuang lovang,” a ti hial. Heti a ni chung hian Central sorkar chuan mi rintlak leh thiltha duh a nih zia hriain vaibelchhe 183, a dil aia tam an pe. 2005 khan Mizoramin mautam tampui a hmachawn dawn tih hriain BAFFACOS hming phuahchawpin central sorkar-ah sum a dil a. He sum hmang hian kha mautam tamah khan Zoram mipui, sorkar hnathawk chenin a thlawnin buhfai thla 6 chhung kan dawng a nih kha. He scheme atang vek hian Bamboo link road vaibelchhe 60 chuang man laih a ni bawk. Kum 2018 khan MLA ah thlantlin ni lehin, Chief Minister hna vawiin thlengin a chelh a. A hnathawh ropui hi sawisen a ni lo. Bawngkawn - Durtlang road te, Aizawl - Lunglei World Bank Road te, Aizawl by-pass Road te, PMGSY hnuaia link road km 2000 chuang laih te, sorkar depart- ment e’ngemaw zat siam belh te, Congress sorkar-in District 5 an pek a nih dan tur ang thlapa funtion tir te, Assam Rifle umchhuak a New Capital Complex din te, Ch Chhunga Bus Terminal sak te, Ch Saprawnga Truck Terminal din te, Lalsawia Bus Terminal din te, Millenium Centre din te, Ramhlun Sport Complex sak te, Saikuti Hall Lunglei sak te, Vety College din te, Mizoram Health Care Scheme siam te, Aizawl Municipal leh Lunglei Municipal siam te, Union Budget-a Mizoram hming a lang ve hialte hi a thawhrah a ni. Covid hripui leng kara Zoram kaihruaitu ropui, India-in an phal lo chhung raltlan unaute hum tlat a, ei tur pe a, zirna hial petu, Nationalism meichher chhitu hruaitu ropui a ni. MNF OFFICIAL CANDIDATE FOR 2023 GENERAL ELECTION

2.ROBERT ROMAWIA ROYTE HACHHEK Pu Robert Romawia Royte hi Upa Than Thuama Royte (L) leh Pi Lalbiakveli (Pi Mampuii) te fapa upa ber niin Chhinga vengah a nupui Pi Lalrampari Hnamte, H/S Headmistress leh an fate 4 nen an cheng a ni. Kohhran leh tlawmngai pawla inhmang thin niin Pathian ram thawhlawm leh Missionary rawngbawlna ngaipawimawh chhungkua an ni. Thiamna lamah M.Phil,B.Ed niin PWD First Class Contractor a ni a. Mirethei leh miharsate an tanpui thin avangin miretheite a lamah an tang thin. Tun sorkar term kallaiah hian Deptt pali - I CT, Tourism leh Sport & Youth Services Deptt leh tunhnaiah DCMA Deptt te a chang a. A Deptt chanah te state budget sum tam lo mahse hmasawnna hnathawh erawh a tam a, Mizoram budget pawnlam atanga sum lakluh lamah a hlawhtling hle a ni. MNF Party Nomination Committee chuan Opposition bial chhuhsak thei turah ngaiin Aizawl E-II bial nuam tak atangin Hachhek bialah ding turin an ti a.Thuawih tak leh huai takin Opposition bial lakbelh turin khawthlang Hachhek bialah a ding dawn a, a bial thar turten an nghakhlel a, boruak a tha chho mek a ni.

3.LALRINTLUANGA SAILO DAMPA Pu Lalrintluanga Sailo hi Pu Lalnguauva Sailo (L) leh Lalhmingliani (L) te fa a ni a, ni 13.6.1960 khan Aizawlah a piang a. Pawl sawm a zirlaiin MNF Under ground Sorkar zawmin Mizo National Army-ah 2/Lieutnant niin, Mizoramin Remna a neih thlengin Mizoram tan a theihna zawng zawngin a thawk. Zoramin Remna a neih khan Pi Lalbiakthuami nen inneiin, Luangmual Aizawlah an chhungkua in an cheng a, eizawnna lamah Class 1 Contractor a ni. Luangmual Aizawlah hian kum 1990 atanga kum 2002 thleng term li V/C ah thlan tlin a ni a. Luangmual YMA Branch Presi- dent leh Treasurer a ni tawh a. Kum 2018 inthlan khan Dampa bialah hneh taka thlan tlin niin tunah hian Dy Chief Whip hna hneh takin a thawk mek. Luangmual Presbyterian Kohhranah lawiin, kum 1988 atanga vawiin thlengin Pulpit rawngbawlna a chelh mek a, Puitling Sande Sikul Zirtirtu a ni bawk. Ramthar, Building leh Social front Committe Member a ni.

4.Er H LALZIRLIANA MAMIT Er H Lalzirliana hi 1970 khan Mamit khuaah a piang a, zirna lamah B.Tech (Mechanical) niin Senior Manager Hindustan Petroleum Corporation Ltd. hna duhawm tak kalsanin Pathian leh ram tan a inpe a. Er Zira hian Guwahati-ah kum 10 chuang zet a awm chhungin Guwahati Mizo Welfare Association-ah OB nihna hrang hrang a vuan tawh a, President – kum 4, Vice President – kum 2, Finance Secretary – kum 2 a ni tawh a. GMWA hruaitu a nih chhung hian thil chhinchhiah tlak tak tak - Mizo thlanmual te, GMWA Office tur Mizoram House building a neih te, Guwahati Sumo Ambulance te, GMWA society registration te a tifel vek bawk. Kum 2013 atanga Kolkata khawpui-ah an pem hnu hian an awm kum atangin Kolkata Mizo Welfareah Vice President atan thlan nghal a ni a, kum 3 chhung President hna a chelh hnuah Vice President a ni leh a. A theih tawk tawkin Kohhranah a in hmang thin a, Guwahati Presbyterian Kohhran-ah Sunday School Superin- tendent, Sunday School Zirtirtu, Secretary te a ni tawh a. Kolkata a awm hnu hian Kolkata PCI Kohhranah Tual Upa atan kum 2015 khan thlan a ni. Kum 2018 inthlan khan MAMIT bialah hneh taka thlan tlin niin tunah hian Road & Infrastructure Development Board Vice Chairman a ni mek a ni.

5.K. LALDAWNGLIANA TUIRIAL Pu K. Laldawngliana hi Pu K. Ngurkhuma (L) leh Pi Rohmingliani Sailo (L) te fa unau pasarih zinga a Pangana ni turin 16 Aug 1972 khan Dinthar Veng, Aizawl ah a lo piang a. Dinthar veng Aizawlah hian a nupui Pi. Lallianpuii Sailo leh a fa Pali (4) te nen an mahni chenna In ah an khawsa mêk a ni. Pu K. Laldawngliana hi thiamna lamah chuan M.A (Eco) a ni. Vantlang leh ram rawngbawlna lam a tui mi leh thawhhlawk tak a ni a, chung a nihna a lo chelh tawh te chu : 1. President Dinthar Br YMA. 2. Board Member, KVIB. 3. President Mizoram Amature Taekwondo Association (MATA). 4. Chairman Aizawl District Sports Committee 5. President Mizoram Auto- mobile Workshop Owner's Association (Kum 6) leh Chairman, Mizofed te a lo ni tawh a ni. Kohhran lamah thuhriltu, nilaizan thupui hawngtu, Puitling Sunday School Zirtirtu leh nihna dang a nei nual bawk a ni. Kum 2021 khan Tuirial MLA Bye Election-ah MNF Ticket a dingin hneh tak thlan tlin a ni a. Pu Zoramthanga Kaihhruai MNF Ministry-ah Vice Chairman, Commerce & Industrial Devel- opment Board leh Chairman MAMCO a tan ruat niin he hna hi a chelh mêk a ni.

6.K. LALRINLIANA KOLASIB Pu K. Lalrinliana hi 1960 khan Kolasib-ah a piang a, a nupui fanaute nen Tumpui veng Kolasib-ah an cheng, 1st. Class Contractor a ni. Khawtlang tana inpe tak niin VC-ah term 4 thlantlin a ni tawh a, VCP nihna term 3 a chelh tawh. Branch YMA President leh adviser a ni tawh a, Presbyterian Kohhran-ah Puitling Sunday School zirtirtu leh thuhril rawngbawlna chanvo a chelh a. MNF Gen. Hqrs. ah Adviser a ni. Kum 2004 MLA By- Election-ah MNF MLA a thlan tlin a ni a, kum 2018 inthlan khan Kolasib bialah hneh takin MLA-ah thlan tlin a ni. Tunah hian Cabinet Minister ni mekin, Food Civil Supplies & Consumer Affairs, LAD leh Fisheries Department-te a enkawl mek. Gas kan hnianghnar zia kan hria a, ration buhfai a that tak zia leh regular tak zia leh nitin eibar a kan hnianghnar tak zia hi mipuite a hrechiangtu kan ni e.

7.LALRINSANGA RALTE SERLUI Pu Lalrinsanga Ralte 1978-a piang a ni a, zirna lamah BA niin Dinthar vengah a nupui fanaute nen an cheng. Lehkha a zir lai atangin Zirlai Pawl-ah inhmang thinin College Students’ Union-ah Maga- zine Editor te, Asst. General Secretary leh Mizo Zirlai Pawl, General Headquarters-ah Executive Committee Member niin ram leh hnam tan ke a pen chhuak ve tawh a. Naupang Sande Sikul department hrang hrangah hun rei tak chu zirtirtu niin, tunah hian Dinthar Presbyterian Kohhran-ah rawngbawltu a ni a, Puitling Sande Sikul zirtirtu a ni bawk. Kum 2018 inthlan khan Serlui bialah hneh taka thlan tlin niin Rubber & Allied Development Board Vice Chairman a ni mek a ni. Pu RSA hi ramri humhalh kawnga a chet thatzia kan hriat kha, tunah hian Assam ramriah kan tawlh thla thui tawh hle a ni.

8.LALCHHANDAMA RALTE TUIVAWL Lalchhandama Ralte hi 1972 khan Kawnpui khuaah a piang a, a pa chu Rev RB Laitawia (L) a ni. Thiamna lamah MA (Pol Sc.) a ni a, a nupui fanaute nen Durtlang Leitan-ah an cheng, Leitan Presbyterian kohhranah Upa a ni. Minister nih laia Kohhran Upa atana thlantlin awmchhun a ni awm e. Kohhran leh khawtlanga inpe tak a ni a, Chanmari West-a an awm laiin Branch leh bialah nihna pawimawh tak tak a chelh tam hle a, Chanmari Pastor bial KTP Leader pawh a ni tawh. Zirlai pawlah inhmangin 1996-a Chakma Foreigner electoral roll-a thun duh loh entirna kawngzawh MZP-in a huaihawt khan, Aizawl atanga Chawngte thleng kea kawngzawh khan Com- mander in-chief a ni nghe nghe. MZP General Hqrs.-ah President a ni tawh a, President a nih lai khan hnam inpumkhatna kutpui pawimawh tak MZP-in tun thlenga a huaihawt thin ‘Zofest’ huaihawt tan a ni a. 2006 khan Tlungvel bialah MNF ticket-in MLA-ah thlan tlin a lo ni tawh a, kum 2018 inthlan khan Tuivawl bial MLA atan thlan tlin a ni. Zirna huanga Mizo Nationalism lalut tu a ni a, School thahnem tak dinhmun sang zawka hlangkaitu a ni bawk a ni. Tunah hian School Education, Printing & Stationary leh LESDE department-te enkawlin minister a ni mek a ni.

9.K LALHMANGAIHA CHALFILH Upa K Lalhmangaiha hi kum 1966 February ni 23 khan Pu K Sangzuala(L) leh Pi Lalremi te inkarah kolasib khuaah a lo piang a. Kum 1980 khan Zoram zalenna sualin Hnam sipaiah a lut a ni. Kum 1986 khan a nupui Pi R Lalmuanpuii nen an in nei a, Fa Pathum, mipa pahnih (2) leh hmeichhia pakhat (1) an nei a, tunah hian a nupui fanaute nen ITI Mualpui Bethel vengah an cheng mek. Presbyterian Mualpui Bethel Kohhranah Upa ni turin kum 2007 khan nemngheh a ni. MNF General HQrs- ah leh Ex.MNA Association ah hian Joint Secretary hna a chelh mek bawk a ni.

10.LALRINENGA SAILO TAWI Pu Rinenga hi 1964 khan Hliappui khuaah a piang a. Electric Veng, Aizawl-ah a seilian a, Vengchhunga Pawl hrang hrangah te inhmangin NGO-ah YMA, President -VDP, Mizoram Goods Transport Association, Patron-Samaritan Association for the Blind, Vice President -Youth Hostel Association of India. Kum 2010-ah Aizawl Municipal Council Election hmasa berah khan AMC Ward No.1 atangin hneh taka thlan a ni a, Term laihawlah Vice Chairman a ni a, tunah hian Aizawl Municipal Corporation-ah Mayor hna hneh takin a chelh mek a ni. A hun chhungin Aizawl khawpuiin hmasawnna hmel thar a hmu nasa hle. Tunah Durtlang North-ah a nupui leh fapate pahnih nen an khawsa mek a, Prebytarian Kohhranah Puitling Sunday School Zirtirtu niin, YMA Adviser a ni mek a, an chhungkaw eizawnna chu Sumdawnna ni.

11.R LALZIRLIANA AIZAWL NORTH I Pu R. Lalzirliana hi August ni 3, 1949 khan Tualbung-ah a piang a, Armed Vengah an chhungin an cheng. Kohhran tan theih ang tawk leh phak ang tawka tlanchhe ngai lo mi a ni a, an lawina Armed Veng North Presbyterian Kohhranah Sunde sikul zirtirtu hna te, Pathianni chhun leh zan Sermon rawngbawlna chanvo te a chelh a ni. Politics lamah kum 1974 atang khan a inhmang tanin, Indian National Congress a zawm a; Congress Party-ah nihna hrang hrang a chelh tawh a. Kum 2008 atanga 2018 chhung khan Congress Legislature Party-ah Deputy Leader niin, ni 14. September. 2018-a Congress Party a chhuahsan hma khan MPCC Vice President a ni a. Pu Zira hi Mizo zinga cabinet minister tum 3 a zawna ni thei awmchhun a ni. A zawna MLA atan tum 5 thlantlin awmchhun niin, Silver Jubilee hial lawm thei a ni. Tunah hian Cabinet Minister niin Power & Electricity, Art & Culture leh Soil Department a chang mek a ni. A zarah Mizoramin eng kan hmu tha hle a, Vankal Solar Park power tharchhuah pui zia pawh kan hriat kha.

12.VANLALSAWMA AIZAWL NORTH-II Vanlalsawma hi Ramhlun Veng a piang leh seilian niin, K. Thanhlira leh Haukhumi te fa pali zinga upa ber dawttu a ni a. Zonunmawii, Dawrpui Vengthar nen inneiin fanu pahnih an nei a, Ramhlun Venglai-ah an chhungkua in an cheng a ni. Zirna lamah chuan MA (Public Administra- tion) niin hna hrang hrang a lo thawk kual tawh a. Guest Lecturer, Government Hranbana College, Executive Officer, Clean Mizoram Society leh Executive Officer, Aizawl Municipal Corporation te a lo ni tawh a ni. AMC-a, a thawh chhung hian Pathian leh an hotute duhsakna changin, ram pawn Japan, Singapore, Hong Kong, Malaysia leh Barcelona leh ramchhung hmun hrang hrangah khawpui inrelbawl dan training-in alo kal ve tawh thin a ni. Tunah hian Ramhlun Venglai Presbyterian Kohhran-ah Puitling Sunday School Secretary ni mekin Ramhlun Venglai Local Council Treasurer, a ni mek a, kum 2020 a Local Council inthlanah khan Pathian duhsakna mipuite kaltlanga changin vote a hmu sang ber nghe nghe a ni. Ramhlun Venglai Branch YMA-ah Vice President leh Secre- tary – term 5 a chelh tawh a, Aizawl District Football Association (ADFA) ah Treasurer leh Hony. Vice President leh Executive member term 4 a ni tawh bawk.

13.C LALMUANPUIA AIZAWL NORTH III Pu C.Lalmuanpuia hi Pu C.Liankhuma leh Pi Lalthuami te fa panga zinga milai niin Octo- ber 26, 1973-ah a piang a, Chanmari West-ah an khawsa. Zirna lamah B.A Hons. (Political Science) a ni. Khawtlang rawngbawlna lamah pawh a theih ang tawk tawka inhmang thin a ni a, Chanmari West Local Council-ah Secretary leh Chairman a ni tawh a, Zoram Taxi Owners Association leh Mizoram Road Transport Union-ah General Secretary a ni tawh bawk. Kohhran rawngbawlna hi a ngaihpawimawh em em a ni a, Chanmari West Presbyterian Kohhranah Upa a ni. Zorama kuthnathawktute chawi kanga an thawh rah an seng ngei theih nan University-a mithiamte nen theihtawp chhuahin hma an la thin a, kum 2008-ah United Democratic Alliance dinin Treasurer a ni. Kum 2010-ah MNF zawmin kum 2015-a Aizawl Municipal Corporation inthlanah Ward No VI atangin Councillor atan thlan tlin a ni a, Kum 2018 inthlan khan Aizawl North III-ah hian hneh tak thlan tlin a ni a, Veterynary & Fishery Board Vice Chairman a ni mek a ni

14.B.LALAWMPUII AIZAWL EAST II B.Lalawmpuii hi PB Vanlalauva (L) leh K.Lahmachhuani (L) fa upa ber niin 1976- ah Chhinga vengah a piang a. Dr Joel Lalnghakliana Pautu nen inneiin Chhinga veng-ah an fate 4 nen an khawsa mek. Zirna lamah B Com a ni a. A nulat lai atangin a phak ang tawkin Khawtlang leh Kohhranah a in hmang ve thin a, tunah hian Rawngbawlna lamah Chhinga Veng Kohhranah Thupui hawngtu leh Senior Department Zirtirtu a ni mek a ni. Kum 2015 khan AMC inthlanah Ward -IX ah Reserve seat atangin hneh taka thlan tlin a ni a, Kum 2021 AMC inthlanah a bial ngaiah General seat-ah hneh takin thlan tlin a ni leh a, tunah hian Aizawl Municipal Corporation- ah Executive Corporator a ni mek a, a hna chan pual hneh takin a enkawl mek a ni. Mizo National Women Front, Gerneral Hqrs.-ah Treasurer a ni mek bawk a ni

15.ZOTHANTLUANGA AIZAWL WEST I Pu Zothantluanga (Pu Valtea) hi Subedar Lalruala Lusai (L) leh Pi Biakhnuni fapa niin kum 1954 khan a lo piang a. A pa Subedar Lalruala hi kumin Independence Day khan Sipai huaisen chawimawina hlan niin, a hriatrengna lungphun Lunglei DC Office leh Serkawn-ah phun a ni a. Delhi-a National War Memorial-ah a hming tarlan a ni bawk. Pu Zothantluanga hian kum 1981 khan Shillong atangin MA (Sociology) a zova. Hnam Sipai 2nd Lieutenant - ah ziah luh niin, overground duty-in inremna ziah thleng khan Mizo National Army-ah a tel a ni. Pu Valtea hi Shillong - a Mizo Student Union din a nih atangin hruaitu a ni nghal a. Shillong a lehkha zira a awm chhung zawng hian OB post a chelh nghe nghe a ni. Kum 1986 khan Lalbiakmawii, Chhinga Veng nen innei in, fa 5 leh tu 8 a nei mek a. An chhungkua hian Zotlang, Aizawlah an khawsa mek. Kum 2019 khan Aizawl West I MLA atan thlan tlin a ni a, Man Power Development Board-ah Vice chairman a ni. Tunah hian a bial hneh takin a enkawl mek a ni.

16.LALRUATKIMA AIZAWL WEST II Pu Ruatkima hi 1972 khan Mamit-ah apiang a, thiamna lamah BA (Hons) a ni a, Infiammi a ni. Mizoram aiawhin Football a khel tawh thin a. Kum 1997-99 khan MZP President niin, Central YMA-ah Finance Secretary, Asst Secretary leh General Secretary a ni tawh a, Aizawl District Foot- ball Association-ah President hmasa ber a ni bawk. Kum 2013 inthlan khan Aizawl West II bial atangin MNF ticket-in thlantlin a ni a. Mi thil chik leh inzir peih tak niin House-ah a che tha thin hle. 2018 Varsity Platform-ah khan MZU zirlaite'n 'Best Legislator' atan an thlang. Kanan Vengah khawsain fanu 5 a nei a, an chhungkua eizawnna chu sumdawn a ni. Lalruatkima hi Zofate insuihkhawmlehna lam tuipuitu a ni a, hemi chungchangah hian UN Permanent Forum on indig- enous People-ah Geneva-ah leh America-a UN office-ah a kal tawh bawk. Pu Ruatkima hi Kohhran bel tlat mi a ni a, kum 36 chhung tehmeuh Puitling Sunday Sikul zirtirtu a ni tawh a ni. Tun sorkarah hian Cabinet Minister niin Rural Development, Revenue leh I&PR department te hneh takin a chang mek. Tunhma sorkarin a la tih theih loh zokhaw lam mite ni za-ah ni za inhlawhna siam sak thei minister a ni a. India ram pumah a enkawl RD Department hi kawng hrang hranga teha hnathawk tha ber dawttu a nih pui thei a ni.

17.ER K LALSAWMVELA AIZAWL WEST III Er.K.Lalsawmvela hi Hmuntha khua a piang leh seilian a ni a. Pawl 8 a zawh hnuin Zalenna sualin a ram mu a. Chin Hills Operation-ah telin, East Pakistan leh Arakanah engemaw chen a awm ve a. Lung In atanga tang a chhuah hnuah Pawl 10 atanga zir chhun zawmin B.E(Civil) zir zovin December 1984 atangin Mizoram PWD-ah AE/SDO hna a thawk tan a ni. Mizoram PWD-a hna peng hrang hrang thawk kim deuh vekin, Aizawl-Thenzawl-Lunglei kawng, World Bank Project hi tuisik anih atanga zawh thak thlengin a thawktu zingah a telin, Project Director a ni a. Serchhip- Thenzawl-Buarpui road, Asian Development Bank Project-ah Project Director a ni tawh bawk a. Mizoram-a Building pawimawh tak tak hi sak chhungin a lo enkawl tawh bawk a. Tluang taka kaisang chho zelin February 2019 khan Engineer-in-Chiefah kaisangin, August 31, 2020 khan su- perannuation pension-in a chhuak ta a. Tunah hian Adviser to CM(Technical) a ni mek. Kohhran lamah chuan Mission Vengthlang Presbyterian Kohhran-ah Puitling Sunday School Zirtirtu, Build- ing Committee Member leh Inrinni zan Thuhriltu niin, IMEM-ah Committee member a ni mek bawk a; Aizawl Young Men's Christian Association-ah hian kum 23 chhung Hony. General Secre- tary a ni mek bawk. Tunah hian a nupui fanaute nen Courtzawl, Mission Vengthlang-ah an cheng mek.

18.K VANLALVENA AIZAWL SOUTH I 18. AIZAWL SOUTH I K VANLALVENA Pu K.Vanlalvena hi kum 1970 January ni 14 ah ram buai khawkhawm laiin E.Lungdarah a piang a. Pu K.Lalzika leh Pi R.Sangvungi te fa pasarih zinga mipa awm chhun a ni. Kum 1972-ah E.Lungdar atangin N.Mualchengah an let leh a, tun thlenga in leh lo an la neihna hmun a ni. High School leh College a kal laiin Students Union leader a ni thin a. MZP Gen hqrs-ah President vawi khat niin Vice president ah vawi thum thlan a ni a. Zirna lamah chuan Pachhunga University Col- lege atangin B.Sc a zo a ni. MNF Gen hqrs-ah Secretary, General Secretary leh MNYF President te lo ni tawhin tunah National Core Committee Member ni lai mek a ni a. Kum 2020 atanga tun thlengin Member of Parliament (Rajya Sabha) Member a ni. Mizoram UPC kohhranah Delhi-ah leh Shalom Bawngkawnah te Upa ni mekin Thuhriltu leh Puitling Sunday school zirtirtu a ni mek bawk. H.Lalhuapzauvi nen inneiin fanu pahnih leh fapa pakhat an nei mek a ni.

19.DENGHMINGTHANGA AIZAWL SOUTH II Kum 1968, September ni 5-ah a piang a. Unau hmeichhia 3 a nei. A nupui Lalthlamuani nen fapa pakhat leh fanu 3 an nei. Pu Denghmingthanga hi thiamna lamah BA a ni a, kum 1998-ah Kohhran Upa atan nemngheh a ni. Synod Revival Speaker, BSI Aizawl Auxiliary Youth Committee President te, KTP Kulikawn Branch Leader te, CR & RMC BSI Aizawl Auxiliary Secretary nihna te a chelh tawh. Chairman Kulikawn Pastor Bial, Secretary Aizawl Chhim Presbytery hnate chelh tawhin, Synod Mission Board member te pawh a lo ni tawh a. Tunah hian Synod Executive Com- mittee member, Synod Family Guidance & Counselling Centre committee member, Synod Prison ministry committee member a ni mek a, Bible Society of India Aizawl Auxiliary-ah hian tunah Secretary a ni mek bawk a ni. Hei bakah hian khawtlang huap pawl hrang hrangahte a in hmang thin a, nihna pawimawh tak tak a chelh mek.

20.DR. F.LALNUNMAWIA AIZAWL SOUTH III Dr. F.Lalnunmawia hi Samtlang khuaah piangin a seilian a, fanu pakhat leh fapa pakhat a nei a, an chhungkuain Chawnpui veng, Aizawlah an cheng mek. Zirna lamah M.Sc. Ph.D. a ni a, Mizoram University-ah thawkin Professor puitling a ni. Zirna lam kaihhnawihah India ram hmun hrang hrangah Science, Agriculture leh Foresttry lamah Paper Present tawhin Research Paper 30 vel leh lehkhabu 2 a ziak tawh. Agriculture hmasawnna zirin 2015 khan USA tlawhin Myanmar rama an buhfai thar leh sawngbawl dante enin 2014 khan a kal a. Agriculture leh Forestry zirna Food & Agri Organisation, Japan International Cooperation Agency, Central sorkara Department of Science & Technology leh Ministry of Forest & Environment & Forest leh NABARD hnuaiahte Project a lo thawk tawh bawk. Dr. F. Lalnunmawia hian Mizo-ten Science lama hma kan sawn theihna tur lam hi a vei hle a, Mizo Post Graduate Science Society-ah President leh General Secre- tary-te a ni tawh a. Kohhran bel mi niin YMA leh khawtlang lamah a inhmang nasa hle. Kuthnathawktute dinhmun chawikan hi a ngaih pawimawh leh vei em em a ni. Prof F Lalnunmawia hi Horticulture Development Board Vice Chairman a ni mek a ni.

21.Dr L.THANGMAWIA LENGTENG Dr L.Thangmawia hi kum 1974 May, ni 11 khan a piang a. A nupui Lalhlimpuii nen Fa 4 neiin, Mission Vengthlang-ah an cheng. Mathematic thiam tak niin 1989 HSLC Exam khan Mathematics Subject-ah Topper a ni a, 1998 khan M.Sc-ah NEHU Gold Medalist a ni. Tunah hian Pachhunga University College-ah Mathematics Subjectah Head of Department a ni. Zirlai pawlah inhmang tak niin an College-ah SU GS-te a ni tawh a, MZP General Headquarters-ah General Secretary a ni tawh bawk. Mizo Academy of Science President ni tawhin Academic Officer, MBSEah a ni tawh. Mission Vengthlang Presbyterian Kohhranah Social Front Committee member niin Puilting Sunday School-ah Secertary nihna a chelh tawh. Tunah hian MNF Thalai President a ni mek a, Human Resources Development Board vice chairman leh Sialkal Range Development Board Chairman a ni mek a ni.

22.TAWNLUIA TUICHANG Pu Tawnluia hi 1943-a piang a ni a, thiamna lamah PUC niin BE zir tura a inbuatsaih laiin Pathian leh kan ram tana nunna thapin ramhnuaiah a chhuak a. Khawzawl Dinthar Vengah In leh lo neiin an awm mek a ni. Mizo National Army-ah nihna pawimawh tak tak chelhin remna ziah a nih 1986 khan Army Chief a ni a. 1984-1986 chhunga MNF leh India-in remna a awm theihna tura inbiakna an neih khan Mizo Hnam pa Pu Laldenga a tawiawm thin. Remna thuthlung ziah a nih hnua Interim sorkarah Minister ni tawhin PHE, R&R leh P&S-te a chang a. 1998-ah MNF leh MPC-in sorkarna an siam khan Home leh Department pawimawh tak tak chelhin Chief Minister awm lohin CM charge latu a ni. Home Minister a nih lai khan Home Department- in an nghahhlelh em em Police Manual siam zawh a ni a, nasa takin Police Department thuam that a ni a. Hnaruak awm apiang sum awm loh chhuanlam awm lovin hnawhkhat nghal zel a ni a. A hun lai khan Indian Reserve Police (IR) Battalion 4 din a ni a. Thalai hnathawh tur thahnem tak a siamsak bawk. MNF General Hqrs.-ah Senior Vice President a ni mek. Pu Tawnluia hi Deputy Chief Minister ni mekin UD&PA, PHE leh DP&AR a chang mek a, a department chan a hneh hle. Kum upa lam ni mah se, Pathianin natna khirh tak lak atanga a tihdam hnu hian a taksa leh rilru a fit tha hle a ni.

23.DR. ZR.THIAMSANGA CHAMPHAI NORTH Dr ZR Thiamsanga hi Pu Nghakliana (L) leh Biaksangi-te inkarah 1958 khan NE.Khawdungsei, Champhai District-ah a piang a. Helen Zaithankungi Sailo nen Fapa 1 leh fanu 3 an nei. Kulikawn, Aizawlah an cheng. Dr Thiamsanga hi MBBS, MD (Hmeichhe specialist lar) a ni a, BN Hospital & Research Centre, Kulikawn neitu a ni. Kum 1986 khan Medical Officer hna a thawk tan a, zir chhunzawm lehin 1995 khan RMC Imphal atangin MD (Obs & Gynea) a zo leh a. Hmun hrang hrangah a thawk kual nasa hle. Head of Department, Gynea, Civil Hospital Aizawlah thawkin ni 31, May, 2018 khan Pathian leh ram tan a dinhmun tha tak kalsanin Voluntary-in a pension. Dr Thiamsanga hi All Mizo Medical Student Union-ah President, Gen. Secretary, Fin.Secy leh Treasurer a ni tawh a, a thawhpuite ngainat a hlawh hle. Laklawh awm lova dam lote tana inpe thin a ni. Dr ZR Thiamsanga hi Health & Family Welfare Board vice chairman a ni mek a ni.

24.TJ LALNUNTLUANGA CHAMPHAI SOUTH Pu TJ Lalnuntluanga hi 1979 khan Champhaiah a piang a, thiamna lamah BA, LLB a ni. Ukil hna eizawnnan a hmang mek a, Mizoram chhunga Bank leh Financial Institution hrang hrang 10-in Ukil-ah an hmang. Zirlai pawlah a theih tawp chhuah thin niin Students Self Support Union Sub-Hqrs. Champhai-ah Vice-President leh President a ni tawh a. Mizo Zirlai Pawl Headquarters Champhai-ah General Secretary, Vice-President leh President nihna a chelh tawh, Nagpur-a lehkha a zir laiin MZP-ah President leh Adviser-te a ni tawh bawk. MZP General Headquarter, Aizawlah Legal Adviser a ni tawh. Manuna hi Kahrawt Branch YMA-ah nihna pawimawh tak tak a chelh tawh a, Aizawl-a a awm tawhna - Venghlui, Durtlangah, Branch YMA-ah Executive Committee Member a ni tawh a, Central YMA-ah Legal Sub- Committee-ah member a ni tawh bawk. Zonuam Presbyterian Kohhran-ah Puitling Sunde Sikul zirtirtu a ni. Pu TJ Lalnuntluanga hi Minister of State ni mekin Transport, Forest leh Law & Judicial & Parliamentary Affiars a chang mek a ni. Minister viak tha leh a chanvo hneh taka enkawltu a ni.

25.RAMTHANMAWIA EAST TUIPUI Pu Ramthanmawia hi Feb 25. 1957-a piang a ni a, Pi Lalchawithangi nen Innei in fa mipa panga an nei. Tleirawl a nih lai atanga mahni kea din tum mi, Electronics lamah a kal a, Diploma a zir zo. 1980-ah Zarkawtah mahni dawr hawng tanin TV leh Video te siamin, a zuar tan a. TV dawr changtlung tak nei chhovin, Mizorama TV zuar hmasa berte zinga mi a ni. A eizawnnaah a tluang hle. Kum 2004 atang khan 1st Class Contractor niin a hnathawhnaah Pathian Malsawmna a dawng nasa hle a, PWD hnuaia Contractor hmingtha berte zinga mi a ni. Khawtlang tana inhmang tak niin Chaltlang VC-ah term khat thlan tlin a ni a, Laipuitlang VC a pian tirh atangin a zawnin term 5 VCP hna a chelh. Laipuitlang Presbyterian Kohhranah Upa a ni a, Sande School Zirtirtuah a zawnin kum 25 a tang a, chawimawina pawh pek a ni. Tunah hian Bomboo Link Road Development Board vice chairman a ni mek a ni.

26.J MALSAWMZUALA VANCHHAWNG SERCHHIP Pu Vanzika Vanchhawng (L) leh Pi Lalchhandami (L) fapa J Malsawmzuala Vanchhawng hi thiamna lamah BA (Hons) LLB, PGJMC (Post Graduate Diploma in Journalism and Mass Communication) a ni a. Thenzawl khawchhuak niin tunah hian an in leh lo Galilee Veng, Zemabawk-ah an khawsa mek a ni. J Sawma hi Mizoram Media-ah mi langsar tak a nih zia kan hre theuh awm e. Kum 2001 atang khan Media khawvelah a inhmang tan a, All India Radio, Skylinks Vision, Doordarshan leh Zonetah te hun rei tak an rinrawl ber a lo ni tawh thin a ni. Kum 16 chhung zet DDK Aizawla a thawh hnuah kum 2018 atang khan Zonet Cable TV Pvt Ltd-ah News Editor hna a zawm a, kawng hrang hrangin Mizoram media-in hma a sawn phah nasa hle a ni. Hun e’ngemaw chen media khawvela a inhman hnuah Pathian leh kan ram tana rawngbawl turin MNF a rawn zawm ta a ni. Pu J Sawma hi kum 2018 atang khan Mizoram Child Rights Commission (Mizoram State Commission for Protection of Child Rights) ah member pathum zinga pakhat a ni bawk a ni.

27.ER LALRINAWMA TUIKUM Er Lalrinawma hi 1973-a piang a ni a, thiamna lamah B.E. a ni a, an chhungkuain Chhinga Vengah an khawsa. Kohhran lama inhmang tak niin Kohranah puilting Sunday School Zirtirtu a ni a, Finance Committee member a ni bawk. Kum 2016 khan Lunglei chanchinbu lar tak Vulmawi chuan ‘Best Legislator’ atan a thlang nghe nghe. Er Lalrinawma hi a bial tana inpe tak niin a theihna zawng zawng bialte hlan mektu a ni a. Hemi avang hian Lungpho khua chuan ‘damlai lung’ an phun sak a, Chhingchhip Mualpui khua-a All Party & All NGO chuan chawimawina hun an lo hmang tawh bawk. Er. Rinawma hian tun sorkarah hian Deputy Speaker hun e’ngemaw chen a nih hnuah Cabinet Minister-ah dah chhoh niin Social Welfare Department, Vety, Sericulture leh Excise & Narcotic Department a chang mek a ni

28.LALREMRUATA CHHANGTE HRANGTURZO Pu Maremruata hi December 27, 1987 khan Upa C. Hrangthanga leh Thangluaii te fa hming koh niin E.Lungdar-ah a piang a, a Pa hi E. Lungdar khua niin a Nu khua N.Vanlaiphaiah a Pa hnathawhna avangin a sei lian a, In leh lo neiin an in beng bel. Thiamna lamah M.A ( Public Administration) niin a nupui K. Lallawmpuii leh a fate pa li nen Vaivakawn, Aizawlah eizawnna neiin an khawsa mek. Zirlai anih lai, Higher Secondary School, College leh University-ah te zirlai hruaitu niin Aizawl City College Jt. Student’s Union bakah MSU Gen. Hqrs ah General Secretary leh OB post dang a lo chelh tawh a, Hrangturzo bial chhunga pressure group lian Tuichangral Zirlai Pawl ah President term 2 a lo chelh tawh bawk. A chenna Vaivakawn Presbyterian Kohhran Naupang Sunday Sikul zirtirtu lo ni tawhin, Section YMA ah OB post hrang hrang a chelh tawh bawk. MNF Thalai Hqrs ah Vice President lo ni tawhin tunah hian MNF party-ah Secretary a ni mek

29.DR R LALTHANGLIANA SOUTH TUIPUI Dr R Lalthangliana hi 1956 khan a piang a, Kanan Veng, Aizawl-ah an chhungkuain an cheng. Thiamna lamah M.A., M.PHIL, PHD a ni a. Kohhran Upa a ni. MLA-ah tum 6 chhung thlantlin a ni tawh a, Minister nihna pawh term thum a chelh tawh bawk. Department hrang hrang a enkawl tawhnaah hnuhma chhuanawm tak tak a nei thahnem hle a. Education Minister a nih laiin Selection Grade-ah zirtirtu 4910 upgrade an ni a, Middle School leh High School-ah Hindi Teacher post 491 siamin lak an ni. Operation Blackboard hnuaia zirtirtu 277 Central Sceme tawp avanga ban tura tih chu Central sorkar dawrin chhawr chhunzawm an ni a. A minister hunlai vek hian Primary School Building 571 leh Middle School 474 sak zawh a ni bawk. A hunlaiin Mid-day meal zirlaite hnenah sem tan a ni bawk. North East Education Minister Committee Chairman a ni a, SSA sum Central-in zaa 50 chauh tum tawh tura thutlukna an siam chu a ho hian nawr hniam niin, Mizoram State sorkar-in zaa 10 chauh tun thleng hian kan la tum chhunzawm ta zel a ni. RMSA hi a bul tantu a ni bawk. Education Minister a nih lai khan Private School 30 Adhoc Grand-in-Aid-ah hlankai an ni a, Private School 213 zet lumpsum Grand-in-aid-ah hlankai a ni a, deficit School 200 zet Provincialised an ni bawk. Hemi hnu 2008 khan Private School 82 lumpsum Grand-in-aid-ah hlankai a ni a, lumpsum Grand-in-aid School 203 Adhoc Status-ah hlankai a ni. Adhoc leh Deficit School 46 provincialised an ni bawk. Rural Development Minister a nih laiin North East puma RD Minister Conference a chairman-na hnuaiah din a ni a. RTI Act Mizoram hman a nih theih nana hmalatu a ni a, Mizorama chanchinbu mite hamthatna Journalist Welfare Fund siamtu a ni bawk. Tunah hian hneh takin Health & Family Welfare, Higher & Technical, Commerse & Industries te a chang mek a ni.

30.DR.VANLALTANPUIA LUNGLEI NORTH Dr. Vanlaltanpuia hi Upa Lalrinchhunga leh Pi Ngurkhumi te fa upa ber niin, 14 February 1975-ah Civil Hospital Aizawlah a piang a. Pukpui khuaah in leh lo neiin, nu leh pa te nen an khawsa a. Zirna lamah M.A, PhD a ni. Dr Vanlaltanpuia hi lehkhathiam thei tak a ni a, Master Degree (Philosophy) NEHU atangin First Division- ah a zo a, India rama Technology zirna in tha ber Indian Institute of Technology, Guwahati-ah Doctorate a zirchhuak leh a. Pachhunga University College-a Department of Philosophy-ah Assistant Professor hna thawkin, ‘Senior Grade’ a ni. Kohhran lama inhmang tak niin BCM Pukpui Unit TKP-ah Secretary leh Office Bearers nihna engemaw zat a chelh tawh. Aizawl lama a awm hnuah pawh Pathian rawngbawl hna chhun zawm zelin Republic Vengthlang Kohhran Unit TKP-ah President leh Treasurer a chelh tawh bawk. Guwahati Kohhranah Rawngbawltuah thlan ni tawhin Sunday School Superintendent a ni tawh bawk. Dr. Vanlaltanpuia hi Mizoram Youth Commission Chairman a ni mek a, thalaite tan hma a la thain fak a hlawh hle

31.LAWMAWMA TOCHHAWNG LUNGLEI EAST Pu Lawmawma Tochhawng hi 1956 a piang a ni a, zirna lamah BA a ni a, Ramthar Veng, Lunglei-ah an cheng. Khawtlang thatna duhin pawl hrang hrangah a inhmang nasa hle a, Lunglei District Sport Committee - treasurer a ni a, Lunglei District Football Association - President term thum a ni tawh a. Lunglei District Rifle Association- ah term 2 Vice President ni tawhin Lunglei District Drama Party-ah Vice President a ni bawk. Pu Lawmawma hian thalaite hmakhua ngai pawimawhin vawi engemaw zat Football Tournament leh infiamna dang inelna hrang hrangah ama sum sengin a buatsaih thin a, Lunglei-a football thi lek lek tawh a ngaih chu LDFA a President a nih hian tinungin theihtawp a chhuah a, a hlawhtling hle. MNF subheadquarters, Lunglei-ah President term 3 a chelh tawh a ni. An lawina Kohhranah Kohhran Upa a ni bawk. Lunglei tan a thawk hlawk hle a, Lunglei HPC vice chairman a ni mek a ni.

32.C LALRINSANGA LUNGLEI WEST Pu C Lalrinsanga hi Pu C.Daruma (L) leh Pi Malsawmi te fapa naupang ber dawttu niin kum 1961, June ni 1-ah Lunglei-ah a piang a. Kum 1986 khan Pi. Lalsangpuii Sailo nupuiah neiin fapa pathum an nei a, Lunglei Bazar-ah an cheng. Thiamna lamah B.A a ni. Kohhran leh khatlangah inhmang tak niin BCM Bazar Veng Lungleiah lawiin Sunday School zirtirtu kum 1984 atang khan vawiin thlengin a ni. Kum 1979- 80 chhova Mizo Zirlai Pawl Sub-Hqrs Lunglei din anih khan hruaitu thlan chhuahah awm chhovin, MZP Sub-Hqrs hruaitu hmasa ber te zinga mi a ni bawk. Kum 1996- 99 inkar V.C thlanah khan tum 4 thlan tlin a nih bakah tum khat VCP a ni bawk. Kum 1998 leh 2003 MLA Election khan MNF Official Candidate niin Vanva Assembly Constitu- ency-ah thlan tlin a ni a, Minister of State leh Deputy Speaker a ni tawh bawk. Tunah hian Cabinet Minister niin Agriculture, Irrigation & Water Resource leh Cooperation Department hneh takin a enkawl mek a ni.

33.DR K PACHHUNGA LUNGLEI SOUTH Dr. K. Pachhunga hi Thlengang khuaah kum 1968-ah a piang a, thiamna lamah MSc(Chemistry), PhD a ni. Associate Prof. Lunglei Gov’t College hna a thawh laiin kum2013 September khan College hna chawlhsanin Pathian leh ram tan, tiin MNF party a zawm. Kum 2015 khan New Delhi Company lar tak, TARU & LEADING EGDE leh Japan Company lar leh lian JICA Company tang dun chuan, Consultant-ah an ruat a. NH.54 Tuipang to Zemabawk via Hnahthial kawngpui zauhna Project duangin India mithiam, Engineer leh Scientist-ho nen thawk hovin Japan sorkarah kawng zauhna tur sum dilin, Project an thehlut a. Japan sorkar chuan he project an thehluh hi tha tiin, India sorkar tanpuina vaibelchhe 7000 dawn an pe. Lunglei Headquarters MZP leh MSU-ah Adviser a ni tawh a, Lungei YMA Sub.Hqr.-ah Executive member- te ni tawhin, Lungleia MZU Southern Campus a awm theihna tura hmalatu Lunglei Co-ordination Committee Chairman a ni tawh. Dr K Pachhunga hi Bamboo Development Board vice chairman a ni mek a ni.

34.R. ROHMINGLIANA THORANG Pu R.Rohmingliana hi Upa R.Lalruala leh Pi Lalpari Sailo te fapa neih chhun ni turin Ni 10/ 10/1972 khan Bungtlang (tuna Serchhip Dist. ni ta) ah a lo piang a. An unau pasarih (7) zinga naupang ber dawttu a ni. Pu R.Rohmingliana hian kum 1995 khan tha takin Assam Engineering College Guwahati atangin a zo a ni. Mi inzir mi tak a ni a, lehkha zir zawm lehin M.A (Sociology) a passed leh a ni. Zoram Pawn Mizo Kohhran (ZPMK)-ah te Tual Upa atan a thlan lo ni tawhin, Guwahati Kohhran ah Secretary te a lo ni ve tawh a, KTP-ah te leader te, Secretary te pawh a lo ni tawh thin. Tunah hian BCM Ramhlun North ah an chhungkua in an lawi mek. Pu R. Rohmingliana hi Union Minister Pu A.Raja chuan BSNL Advisory Board-ah te a lo ruat ve tawh a, tin, Mizofed Ltd.-ah Board of Director (2004-2006), Chairman (2006- 2009) nihna te a lo chelh ve tawh bawk. Kum 2007 khan Friendship Forum of India chuan Rising Personalities of India Award a lo hlan ve tawh nghe nghe a ni. Mizofed Ltd. Chairman a nih lai hian India ram State hrang hrang aiawh Minister te zingah Paper present tura tih anih angin Rajasthan khawpui Jaipur-ah paper te a present ve tawh a ni. Tunah hian MNF thuneitu sang National Core Committee member a ni mek a ni

35.PROVA CHAKMA WEST TUIPUI Prova Chakma hi kum 1975 khan a lo piang a, Zirtirtu chhungkua a seilian a ni. Zirna lamah MA (Edn) a ni a, Govt Middle school zirtirtu niin kum 24 leh thla 10 lai zirtirtu hna hi a thawk a, kum 13 vel lai service a la neih laiin 35 West Tuipui mipuite nawrna avangin ram tana rawngbawl turin a hna bansanin MNF a rawn zawm ta a ni. NGO lamah pawh a phak tawkah a inhmangin, Chakma Mahila Samiti Nunsury-ah kum 13 lai president hna a chelh tawh a. Nunsury Zone Chakma Mahila Samiti- ah pawh president a chelh bawk. Tin, Chakma School Teacher Associationah pawh Auditor leh Treasurer in kum enegemaw zat a lo awm tawh bawk a. Tunah a pasal leh a fa te 2 nen Nunsury-ah an cheng mek a ni

36.RASIK MOHAN CHAKMA TUICHAWNG 36. TUICHAWNG RASIK MOHAN CHAKMA Rasik Mohan Chakma hi Sukra Mohan Chakma (L) leh Swarnalata Chakma (L) te fapa niin May ni 1, 1963 khan Borapansury 1-ah a lo piang a. Hmun hrang hranga lehkha a zir kual hnuah Government College, Lunglei atangin a Graduate a ni. Khawtlang tana inpe leh inhmang tak niin, Governing Body of Kamalanagar College President, General Secretary MCSU, Secretary All India Chakma Students and Youth Convention te a lo ni tawh a. Mizoram Chakma aiawhin 1st World Chakma Conference Calcutta-a neihah an hnam ai a lo awh tawh bawk. Kum 1993 khan Borapansury -1 MDC Constituency atangin thlan tlin a ni a, 1998, 2003, 2008,2018 leh 2023-ah te thlan tlin nawn a ni. CADC-ah hian Chief Executive Member, Chairman, Executive Member leh Adviser to CEM te a lo ni tawh a, tunah hian Chief Executive Member a ni mek. Kum 2003 khan Chawngte bial (Tuichawng ni ta) -ah hian MLA-ah thlan tlin a lo ni tawh bawk a ni. Pi Lalnuntluangi Pachuau nen 1984 khan inneiin fanu pakhat leh fapa pahnih an nei a ni.

37.V. ZIRSANGA LAWNGTLAI WEST Pu V Zirsanga hi Pu V. Kapchhunga leh Pi Biakveli te fa Sâwm pahnih (12) zinga a upa lam pali (4)-na ni turin March 15, 1959-ah Paithar khua-ah a lo piang a. Harsatna hrang hrang kara lehkha zir chhoin kum 1988 khan M.A (History) chu North Eastern Hill University (NEHU) Shillong atangin tha takin a zir chhuak a ni. Kum 1993 F. Siamthangpuii nen inneiin, fanau malsawmna mipa pali (4) an nei a ni. Kum 1990- ah Gov't College Lawngtlai-ah Lecturer hna zawmin, he hna hi nuam ti tak leh hlim takin, kum Sawm pahnih (12) chhung a thawk a, Sorkar hna a thawh chhung hian Central Young Lai Association (CYLA) –ah General Secretary leh President-te a lo ni tawh a ni. Lai District Sports Association-ah te pawh Office Bearer hi kum sâwm (10) chhung zet a lo ni tawh bawk. Lairam Isua Krista Baptist Kohhran thalai pawlah kum sâwm pahnih (12) chhung hruaitu (Office Bearer) nihna a lo chelh tawh bawk. Kum 2002 atangin active politics a luhchilh ta a, kum 2005 kahn Paithar bial atangin MDC-ah thlan tlin a ni a, vawi e’ngemaw zat MDC-ah tling tawhin Chief Executive Member (CEM) pawh tum 2 a ni tawh a ni.

38.H BIAKZAUVA LAWNGTLAI EAST Pu H.Biakzaua hi ni 15.05.1965-ah Lungtian khuaah piangin, thiamna lamah B.A., B.Ed a ni. Pi S.Hmingsangberi nen inneiin fa paruk an nei a. Electric Veng Lawngtlaiah an chhungkuain an khawsa. H Biakzauva hi Lairam Isua Krista Baptist Kohhran, Electric Veng Lawngtai-ah lawiin Kohhran Upa a ni. Kum 1992-ah High School Teacher hna bansanin MNF Party-ah a lut a, MDC- ah vawi 4 thlan tlin a ni. LADCah Executive Member, Vice Chairman Planning & Development Committee leh Chairman Town Committee-te a ni tawh a. Pu H Biakzauva hi tunah hian Deputy Speaker a ni mek a ni.

39.HC LALMALSAWMA ZASAI SAIHA H.C.Lalmalsawma Zasai hi Pu H.C. Zasaia (L) leh Pi Ngenpari Bawitlung fa sawm zinga naupang ber niin 11.11.1969 khan Amotla (Rawmibawk) ah a piang a. Siaha Council Vaihah a nupui Darhmingliani Khawlhring leh a fate nen an chhungkuain an khawsa mek a ni. Zirna lamah BA (Hons Pol.Sc) MA (Pol.Sc) NEHU atangin a zirchhuak a. Lehkha a zirlaiin Kohhran, Pawl leh zirlai pawlah a inhmang nasa hle a, President, Mizo Students Union, Shillong; President, North East Hill University Student Union; President, Thalai Kristian Pawl, (Bial leh Unit ah) a lo ni tawh a. Kum 24 mi niin Pulpit rawngbawl a kalpul tawh a. Kum 26 mi a nih in Rawngbawltu (Tual Upa) thlan a ni tawh a ni. Tunah hian ECM Kohhran Bethel Tualchhungah Kohhran Upa a ni mek. Pu Patea hi MNF ruhkawl a ni a, MLA leh MDC Election-ah MNF Symbol ARSI hi Vawi 7 ticket a lo dinpui tawh a. Election-ah vawi 4 lo hlawhtling tawhin tunah hian Amotlah bialah MDC a ni mek a ni.

40.KT ROKHAW PALAK Pu K.T. Silao fapa KT Rokhaw hi October ni 18 1964 khan Chakhei-ah a lo piang a, Pi Deborah Vanlalchuangi Chhakchhuak nen inneiin fa pali an nei a, tunah hian Hunthar Veng, Aizawl- ah a cheng mek a ni. Pu KT Rokhaw hi zirlai pawlah nasa taka inhmang thin a ni a, Mara Students Organisation Joint Hqrs. Aizawl-ah term thum President a lo ni tawh a, tunah hian Evangelical Church of Maraland, Aizawl Mara Church-ah Kohhran Upa niin Local Church Chairman a ni mek a ni. KT Rokhaw hi Politician hriat hlawh tak niin MLA-ah vawi thum a lo tling tawh a, kum 2018 inthlan puiah khan Congress Party ticket-in Palak bialah thlan tlin a ni a, nimin mai khan MNF party-a lut turin MLA atanga banna hi Speaker hnenah a thehlut a ni. Pathian leh kan ram tana thawhpui tur ram vei mi kan neih belh leh hi kan lawm hle a ni